Math o Waith

Parhaol

Swyddogaeth y Swydd

Gweithrediadau

Cwmpas Cyflog

£31,887.00 - £35,081.00

Lleoliad

Llechryd

Dyddiad cau ceisiadau

Dydd Sul, 11 Hydref 2026

Beth fyddwch chi’n gyfrifol amdano

• Cefnogi’r Tîm Pod Ymateb i ddarparu gwasanaeth effeithlon ac effeithiol 24/7 heb unrhyw fethiannau y gellir eu hosgoi wrth gyflenwi gwasanaethau.
• Ymateb i faterion fel y cyfarwyddir gan dimau Ymateb a Rheoli Gweithredol, gan roi adborth rheolaidd i sicrhau bod risgiau'n cael eu deall a bod cwsmeriaid yn cael yr wybodaeth ddiweddaraf am gynnydd trwy gydol ein hymateb. Byddwch yn ymateb i amrywiaeth eang o faterion gan amrywio o gysylltu â chwsmeriaid unigol i fethiannau sylweddol pibellau dŵr prif gyflenwad diamedr mawr. Byddwch yn gyfrifol am ymchwilio, nodi'r nam a chymryd camau i ddatrys y broblem.
• Cyflenwi gwasanaeth i gwsmeriaid yn uniongyrchol mewn ymateb i faterion brys a sicrhau bod cwsmeriaid yn cael yr wybodaeth lawn am yr hyn sy'n digwydd nesaf.
• Cefnogi i sicrhau bod yr holl gerbydau, peiriannau a chyfarpar yn cael eu cynnal yn ddigonol a’u bod yn barod i'w defnyddio bob amser, gan ganolbwyntio’n benodol ar gynnal cydymffurfiaeth â'r safonau Ansawdd a Diogelwch Dŵr disgwyliedig.
• Defnyddio pob cyfarpar ymateb brys sydd ar gael i adfer cyflenwadau cyn gynted â phosibl petai methiannau’n digwydd, wrth sicrhau nad yw ansawdd y dŵr yn cael ei gyfaddawdu a bod yr Amgylchedd yn cael ei ddiogelu.
• Cefnogi'r gwaith o gyflawni gwaith arfaethedig ar y rhwydwaith Dosbarthu gan sicrhau ein bod yn gweithredu yn unol ag asesiadau risg/ datganiadau dull a bod diogelwch ac ansawdd dŵr yn flaenoriaeth ym mhopeth a wnawn. Byddwch yn cefnogi gyda chyflawni tasgau canfod a chynnal a chadw gollyngiadau i sicrhau ein bod yn cyrraedd ein targedau busnes.
• Monitro perfformiad contractwyr trwy gynnal arolygiadau a sgyrsiau diogelwch. Byddwch yn sicrhau bod pobl yn ein cadwyn gyflenwi yn deall pwysigrwydd y safonau uchaf o ddiogelwch a gwasanaeth i gwsmeriaid. Byddwch yn adolygu'r contractwr Asesiad Risg a Datganiad Dull (RAMS) i sicrhau addasrwydd ar gyfer y dasg sy'n cael ei chyflawni ac yn cyhoeddi Trwyddedau Gweithio / Tystysgrifau Ynysu i alluogi'r gwaith i fynd rhagddo.
• Cynnal Asesiadau Risg deinamig ar y safle i sicrhau bod peryglon yn cael eu nodi a risgiau’n cael eu lliniaru neu eu lleihau cyn belled â phosibl. Byddwch yn sicrhau bod y gweithgareddau a gynhelir yn cydymffurfio â'r holl ddeddfwriaeth Iechyd a Diogelwch a pholisïau Iechyd a Diogelwch Dŵr Cymru.
• Cynnal gwaith gwirio dyddiol arferol ar gerbydau er mwyn cydymffurfio â gofynion Deddf Traffig y Ffyrdd ac i sicrhau cydymffurfiaeth â Thrwydded Gweithredwyr Dŵr Cymru. Bydd gofyn i chi gofnodi a rhoi gwybod am ddiffygion yn gywir.
• Cofnodi pob gweithgaredd yn y systemau corfforaethol perthnasol (SAP, PowerApps, Ffurflenni Gweithdrefnol) i sicrhau bod cofnod archwiliadwy o'n gweithredoedd.
• Samplu Ansawdd Dŵr o Danceri a Chyflenwadau dros dro yn unol â'n gweithdrefnau, i sicrhau bod y dŵr yr ydyn ni'n ei gyflenwi i'n cwsmeriaid yn bodloni'r safonau yr ydyn ni’n eu disgwyl. Bydd angen i chi gefnogi gyda sicrhau bod cydymffurfiaeth â threfniadau logisteg, a’u bod yn cael eu deall, o ran cludo samplau i'n labordy mewn da bryd i'w dadansoddi bob dydd.
• Cefnogi'r Goruchwyliwr Gweithrediadau a'r Timau Cydymffurfio i sicrhau bod terfynau oriau Gyrwyr Cerbydau Nwyddau Trwm yn cael eu cofnodi'n gywir, eu monitro a byth yn cael eu torri.
• Sicrhau bod y gwaith o glorineiddio tanceri, bowserau a phibellau’n cael ei gwblhau a'i gofnodi pan fo angen.
• Sicrhau bod y tanceri a phecynnau sydd ar gael yn cael eu cyfleu'n effeithiol, er mwyn lliniaru toriadau cyflenwad gwybodus.
• Cyfathrebu ac uwchgyfeirio’r angen am gyfnewid gyrwyr neu adnoddau ychwanegol mewn modd amserol.
• Sicrhau bod unrhyw broblemau neu risgiau ansawdd dŵr yn cael eu huwchgyfeirio ar unwaith.
• Cymryd rhan mewn rota wrth gefn ac ymgymryd ag unrhyw ddyletswyddau eraill a allai fod yn ofynnol i ddiwallu anghenion y busnes.