Rhif Cais y Swydd 8868

Math o Waith

Parhaol

Swyddogaeth y Swydd

Rheoli Prosiect

Cwmpas Cyflog

£58,751.00 - £71,972.00

Lleoliad

South East Hub

Dyddiad cau ceisiadau

7 Awst 2026 (23:59)

Beth fyddwch chi’n gyfrifol amdano

Uwch Reolwr Prosiect Cyfalaf – Ecoleg

Crynodeb

Rydym yn chwilio am weithiwr ecoleg proffesiynol profiadol a gwybodus i ymuno â'n tîm Gwasanaethau Galluogi Cyflawni Cyfalaf. Byddwch yn dod â gwybodaeth gref am ddeddfwriaeth ecoleg, methodolegau arolygu ecolegol, gwella a gwrthbwyso bioamrywiaeth, a gofynion trwyddedu perthnasol, gan gynnwys trwyddedu rhywogaethau gwarchodedig. Byddwch yn hyderus yn rheoli blaenoriaethau cystadleuol a chyflawni canlyniadau o ansawdd uchel o fewn amserlenni prosiectau a rheoleiddiol. Mae'r rôl yn cynnwys rheoli prosiectau o'r dyluniad cychwynnol hyd at eu cwblhau, gan gynnwys gweithgareddau caffael a sicrhau bod asedau'n cael eu cyflwyno i'r safonau gofynnol.

Cyfrifoldebau Allweddol

• Arwain a chefnogi swyddogion sy’n adrodd yn uniongyrchol i chi, gan gynnwys rheoli perfformiad, dysgu a datblygu, coetsio ac ymgysylltu â chyflogeion, yn unol â'r holl bolisïau a gweithdrefnau AD.
• Sicrhau bod y busnes yn gallu cyflawni gofynion ar lefel rhaglen yn unol â'r rheoliadau a'r gweithdrefnau cyfredol, i amserlenni y cytunwyd arnynt ac o fewn cyllidebau cymeradwy, gan gefnogi'r gwaith o gyflawni rhaglen fuddsoddi Dŵr Cymru yn llwyddiannus.
• Aseso gofynion rhaglen gyfan a phenodol i brosiect, diffinio cwmpas, nodi ac argymell atebion, cyfrannu at weithgareddau dylunio, a goruchwylio ystyriaethau ecoleg, amgylcheddol a bioamrywiaeth ar draws rhaglen waith ddiffiniedig.
• Monito ac olrhain cyflawni rhaglenni, gan gymryd camau priodol i fynd i'r afael ag unrhyw oedi neu risgiau sy'n ymwneud â materion ecoleg, amgylcheddol a bioamrywiaeth.
• Sicrhau bod systemau contractau, cadwyn gyflenwi a rheoli masnachol Dŵr Cymru yn cael eu cymhwyso'n gyson.
• Cydymffurfio â gofynion Iechyd a Diogelwch Dŵr Cymru, sicrhau bod pob prosiect a rhaglen yn cydymffurfio â'r Rheoliadau CDM cyfredol wrth hyrwyddo arfer da a chefnogi’r gwaith o adrodd ar ‘achosion y bu ond y dim iddynt ddigwydd’ a meysydd i’w gwella.
• Cefnogi'r gwaith o weithredu atebion rhaglenni a phrosiectau cynaliadwy ac arloesol, gan gyfrannu at dargedau effeithlonrwydd a lleihau ôl troed carbon Dŵr Cymru.
• Bod yn atebol am gefnogi cyflawni rhaglenni allweddol a phrosiectau arbennig sy'n cynnwys mathau o asedau uwchben y ddaear, o dan y ddaear, neu mathau cyfunol o fewn ardal ddiffiniedig.
• Sicrhau bod gofynion buddsoddi yn cael eu cwmpasu'n effeithiol a bod yr atebion gorau posibl yn cael eu canfod, gan gyfrannu at weithgareddau dylunio, prosesau caffael, a chefnogi adeiladu, cyflawni a chomisiynu asedau.
• Gweithio ar y cyd â thimau gweithredol, timau dylunio, partneriaid y Gynghrair, cyflenwyr a chydweithwyr ledled Dŵr Cymru i ddeall a mynd i'r afael â heriau perfformiad asedau.
• Darparu arbenigedd rheoli rhaglenni a phrosiectau sy'n ymwneud â materion ecoleg, amgylcheddol a bioamrywiaeth, gan gynnig cymorth ac arweiniad i gydweithwyr gweithredol a phartneriaid y Gynghrair pan fo angen.
• Diogelu buddiannau Dŵr Cymru drwy sicrhau bod risgiau'r prosiect yn cael eu nodi, eu deall, eu hasesu a'u dyrannu'n briodol, gan gefnogi prosesau rhybuddio'n gynnar a lleihau risg i gadw’r risg i’r busnes mor fach â phosib.
• Cydlynu adolygiadau gan gymheiriaid rhaglenni a phrosiectau i sicrhau bod buddiannau Dŵr Cymru yn cael eu cynrychioli wrth ddewis datrysiadau a bod risgiau busnes cysylltiedig yn cael eu deall yn llawn.
• Cefnogi'r gwaith o ddatrys materion sy'n ymwneud â thrydydd partïon a Dŵr Cymru.
• Sicrhau bod yr holl ddogfennau a gweithdrefnau trosglwyddo prosiect sy'n ymwneud â materion ecoleg, amgylcheddol a bioamrywiaeth yn cael eu cwblhau'n gywir ac yn brydlon.